കുവൈത്ത് സിറ്റി: റോഡ് സുരക്ഷ വര്ധിപ്പിക്കുന്നതിന്റെ ഭാഗമായി നൂതന സാങ്കേതികവിദ്യകളുമായി ജനറല് ട്രാഫിക് ഡിപ്പാര്ട്മെന്റ്.
ശബ്ദവും ദൃശ്യവും റെക്കോഡ് ചെയ്യാവുന്ന കാമറകളുമായി പ്രത്യേക പട്രോളിങ് വാഹനങ്ങള് വകുപ്പ് പുറത്തിറക്കി. മികച്ചതും അത്യാധുനികവുമായ സാങ്കേതികവിദ്യകളോടുകൂടിയതാണ് ഇവ. വാഹനങ്ങളിലെ കാമറകള് വഴി മുന്നിലെയും പിന്നിലെയും ദൃശ്യങ്ങളും ശബ്ദങ്ങളും പകര്ത്താനാകും. ഗതാഗതനിയമ ലംഘനങ്ങള് ഇതുവഴി കൃത്യമായി രേഖപ്പെടുത്താനാകും.
കുവൈത്തികളുടെയും പ്രവാസികളുടെയും സുരക്ഷയും കണക്കിലെടുത്തും അവകാശങ്ങള് സംരക്ഷിക്കുന്നതിനുമായാണ് പുതിയ സജ്ജീകരണമെന്ന് ജനറല് ട്രാഫിക് ഡിപ്പാര്ട്മെന്റ് അറിയിച്ചു.