മസ്കത്ത് : ലോകത്ത് ഏറ്റവും കുറഞ്ഞ നികുതിയുള്ള രാജ്യങ്ങളുടെ പട്ടികയില് ഒമാന് ഇടം നേടി. ഈ വര്ഷത്തെ ആഗോള നികുതി സൂചിക അനുസരിച്ച്, അമേരിക്കന് വേള്ഡ് പബ്ലിക്കേഷന് റിവ്യൂ വെബ്സൈറ്റ് തയ്യാറാക്കിയ രാജ്യങ്ങളുടെ പട്ടികയില് ഒമാനെ ഉള്പ്പെടുത്തിയിട്ടുണ്ട്.
ബെര്മുഡ, കേമാന് ദ്വീപുകള്, ബഹമാസ്, ബ്രൂണൈ, ബഹ്റൈന്, ഖത്തര്, കുവൈറ്റ്, യുണൈറ്റഡ് അറബ് എമിറേറ്റ്സ് എന്നിവയ്ക്കൊപ്പം ഏറ്റവും കുറഞ്ഞ നികുതി നിരക്കുള്ള രാജ്യങ്ങളുടെ പട്ടികയില് സുല്ത്താനേറ്റും ഉള്പ്പെടുന്നു. ഒമാനിലെ ആദായനികുതി നിരക്ക് പൂജ്യം ശതമാനവും വില്പ്പന നികുതി നിരക്ക് അഞ്ച് ശതമാനവും കോര്പ്പറേറ്റ് ലാഭത്തിന്റെ നികുതി നിരക്ക് 15 ശതമാനവുമാണെന്ന് റിപ്പോര്ട്ടില് പറയുന്നു. ഏറ്റവും കൂടുതല് നികുതി ചുമത്തുന്ന രാജ്യങ്ങളുടെ പട്ടികയില് ഐവറി കോസ്റ്റാണ് ഒന്നാമത്. ഇവിടെ ആദായനികുതി നിരക്ക് 60 ശതമാനമാണ്. ഫിന്ലാന്ഡ്, ജപ്പാന്, ഓസ്ട്രിയ, ഡെന്മാര്ക്ക്, സ്വീഡന് എന്നിവയാണ് തൊട്ടുപിന്നില്. ഒരേ രാജ്യത്തിന്റെ വിവിധ ഭാഗങ്ങളില് പോലും നികുതി നിരക്കുകളും നിയന്ത്രണങ്ങളും ഓരോ രാജ്യത്തും വളരെയധികം വ്യത്യാസപ്പെട്ടിരിക്കുന്നുവെന്നും റിപ്പോര്ട്ട് ചൂണ്ടിക്കാണിക്കുന്നു.