കുവൈത്ത് സിറ്റി: മുസ്ലിം ചാരിറ്റബിള്‍ സൊസൈറ്റി കൊയിലാണ്ടി കുവൈത്ത് (എം.സി.എസ്) വാര്‍ഷിക ജനറല്‍ ബോഡി യോഗം ഫര്‍വാനിയ പീസ് ഓഡിറ്റോറിയത്തില്‍ നടന്നു. അഫ്ഫാന്‍ അബ്ദുല്‍ വാഹിദിന്റെ ഖിറാഅത്തോടെ തുടങ്ങിയ യോഗത്തില്‍ ജനറല്‍ സെക്രട്ടറി നൗഫല്‍ സ്വാഗതം പറഞ്ഞു.
പ്രസിഡന്റ് മുജീബ് അധ്യക്ഷത വഹിച്ചു. ബഷീര്‍ ബാത്ത ഉദ്ഘാടനം ചെയ്തു. പ്രവര്‍ത്തന റിപ്പോര്‍ട്ട് നൗഫലും സാമ്ബത്തിക റിപ്പോര്‍ട്ട് റമീസ് ബാത്തയും അവതരിപ്പിച്ചു. സകാത് സെല്‍ പ്രവര്‍ത്തനങ്ങള്‍ അബ്ദുല്‍ വാഹിദും റിലീഫ് സെല്‍ പ്രവര്‍ത്തനങ്ങള്‍ ബഷീറും വിശദീകരിച്ചു.
കൊയിലാണ്ടിയിലെ പൊതുസമ്മതനായിരുന്ന കെ. ഇബ്രാഹിം മാഷിന്റെ നിര്യാണത്തില്‍ അനുശോചിച്ചു. ഹംസ മേപ്പാടകത്ത് അനുശോചന സന്ദേശം വായിച്ചു. 2023 കൂപ്പണ്‍ അബ്ദുല്‍ കരീം അമേത്ത് ജാസ്സിം, സലാഹ്, ഹിദായത്ത് എന്നിവര്‍ക്ക് നല്‍കി പ്രകാശനം ചെയ്തു. ആത്തിഫ് മജീദ് നന്ദി പറഞ്ഞു.
