ഒമാന്‍ ചേംബര്‍ ഒഫ് കൊമേഴ്‌സ് ആന്‍ഡ് ഇന്‍ഡസ്ട്രീസും (ഒ.സി.സി.ഐ) ഇന്‍ഡോ ഗള്‍ഫ് ആന്‍ഡ് മിഡില്‍ ഈസ്റ്റ് ചേംബറും (ഐ.എന്‍.എം.ഇ.സി.സി) ധാരണാപത്രത്തില്‍ ഒപ്പുവച്ചു.
ഒമാനിലെയും ഇന്ത്യയിലെയും സാമ്ബത്തിക, വാണിജ്യ, വ്യാപാര പ്രവര്‍ത്തനങ്ങള്‍ വര്‍ദ്ധിപ്പിക്കുന്നതിനാണ് ധാരണയിലെത്തിയത്. ഒമാന്‍ ചേംബര്‍ ചെയര്‍മാന്‍ ശൈഖ് ഫൈസല്‍ അല്‍ യൂസഫും ഇന്‍ഡോ ഗള്‍ഫ് ചേംബര്‍ ചെയര്‍മാന്‍ ഡോ. എന്‍.എം. ഷറഫുദ്ദീനുമാണ് ധാരണാപത്രത്തില്‍ ഒപ്പുവച്ചത്.
ഏഴര ബില്യണ്‍ യു.എസ് ഡോളറിലധികം നിക്ഷേപമുള്ള ആറായിരത്തിലേറെ ഇന്ത്യ -ഒമാന്‍ സംയുക്ത സംരംഭങ്ങളാണ് ഒമാനിലുള്ളതെന്ന് ഡോ. എന്‍.എം. ഷറഫുദ്ദീന്‍ പറഞ്ഞു. വിദ്യാഭ്യാസം, ആരോഗ്യം, മത്സ്യബന്ധനം, ഖനനം, ടൂറിസം എന്നിവയില്‍ ഒരുമിച്ച്‌ പ്രവര്‍ത്തിക്കുമെന്ന് ഡയറക്ടര്‍ ഡേവിസ് കല്ലൂക്കാരന്‍ പറഞ്ഞു. ഇന്ത്യന്‍ എംബസി ഫസ്റ്റ് സെക്രട്ടറി പ്രവീണ്‍ കുമാര്‍, ഐ.എന്‍.എം.ഇ.സി.സി സെക്രട്ടറി ജനറല്‍ ഡോ. സുരേഷ്‌കുമാര്‍ മധുസൂദനന്‍, ഡയറക്ടര്‍ ഡേവിസ് കല്ലൂക്കാരന്‍, ആക്ടിംഗ് പ്രസിഡന്റ് മൊഹിയുദ്ദീന്‍ ബിന്‍ മുഹമ്മദലി തുടങ്ങിയവര്‍ പങ്കെടുത്തു.
