വിമാന യാത്രക്കാര്‍ക്കായി ഇലക്‌ട്രോണിക് രജിസ്‌ട്രേഷന്‍, ഇ-ബോര്‍ഡിംഗ് കാര്‍ഡ് സംവിധാനങ്ങള്‍ ആരംഭിച്ച്‌ കുവൈത്ത് എയര്‍വേയ്‌സ്. പുതിയ സംവിധാനം നിലവില്‍ വരുന്നതോടെ കുവൈത്ത് എയര്‍വേയ്‌സ് വെബ്‌സൈറ്റ് വഴിയോ ഇലക്‌ട്രോണിക് ആപ്ലിക്കേഷന്‍ വഴിയോ യാത്രക്കാര്‍ക്ക് യാത്രാ നടപടിക്രമങ്ങള്‍ പൂര്‍ത്തിയാക്കാന്‍ സാധിക്കും.
22-ലധികം സ്റ്റേഷനുകളിലാണ് പുതിയ സംവിധാനം ലഭ്യമാകുക. യാത്രക്കാര്‍ക്ക് കുവൈത്ത് എയര്‍വേയ്‌സ് വെബ്‌സൈറ്റിലോ ഇലക്‌ട്രോണിക് ആപ്ലിക്കേഷനിലോ രജിസ്റ്റര്‍ ചെയ്ത ശേഷം ഇഷ്ടമുള്ള സീറ്റ് തിരഞ്ഞെടുക്കാനും റിസര്‍വേഷന്‍ നടപടിക്രമങ്ങള്‍ പൂര്‍ത്തിയാക്കാനും പുതിയ സംവിധാനം വഴി സാധിക്കുമെന്നും അധികൃധര്‍ അറിയിച്ചു.
