കുവൈത്ത് സിറ്റി: ഹൃദയാഘാദം മൂലം ന്യൂ മാഹി പെരിങ്ങാടി സ്വദേശി കുവൈത്തില് നിര്യാതനായി. ഗ്രാന്റ് ഹൈപ്പര് ഫര്വാനിയ ക്യാമ്ബ് ബോസ് അബ്ദുല് കരീം (61) ആണ് മരിച്ചത്.
വെള്ളിയാഴ്ച പെരുന്നാള് നമസ്കാരം കഴിഞ്ഞു വന്നശേഷം ഉറങ്ങാന് കിടന്നതായിരുന്നു. ഉറക്കത്തില് ഹൃദയാഘാദം സംഭവിച്ചതാകാമെന്നാണ് സൂചന. പെരിങ്ങാടി കുറ്റി പറമ്ബത്ത് പരേതരായ അബ്ദുറഹ്മാന്റെയും, ആയിഷയുടെയും മകനാണ്. ഭാര്യ: തലശ്ശേരി റഹ്മത്ത് മന്സില് റുക്സാന. മക്കള്: ആദില് (ഖത്തര്), ഫര്ഹാന, ആലിയ. മരുമകള്: ഷാന ഷെറിന്. സഹോദരങ്ങള്: റംല, സുലൈഖ, താഹിറ, ഷംഷാദ്, നവാസ്, പരേതനായ നൗഫല്.
അഞ്ചു വര്ഷത്തോളമായി ഫര്വാനിയ ഗ്രാന്റ് ഹൈപ്പര് ജീവനക്കാരനായിരുന്നു. മൃതദേഹം പോസ്റ്റുമോര്ട്ടം നടപടികള്ക്കു ശേഷം നാട്ടിലേക്ക് കൊണ്ടുപോകും.