തൊഴില്‍ നിയമം ലംഘിച്ചതിന് ഒരു വര്‍ഷത്തിനിടെ കുവൈത്ത് നാടുകടത്തിയത് 40000 വിദേശികളെ. ഈ വര്‍ഷം ഇതുവരെ മാത്രം ഇന്ത്യക്കാരുള്‍പ്പെടെ 11000 പേരെയാണ് നാടുകടത്തിയത്.
പരിശോധന കര്‍ശനമാക്കിയതോടെ കുവൈത്തില്‍ നിയമ ലംഘകരുടെ എണ്ണം 1.2 ലക്ഷമാക്കി കുറയ്ക്കാനായതായി ആഭ്യന്തര മന്ത്രാലയം അറിയിച്ചു.
രാജ്യത്തെ ജനസംഖ്യാ അസന്തുലിതാവസ്ഥ പരിഹരിക്കുന്നതിന്റെ ഭാഗമായാണ് നടപടിയെന്ന് ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാല്‍ അല്‍ ഖാലിദ് പറഞ്ഞു. ഇതിനായി പബ്ലിക് അതോറിറ്റി ഫോര്‍ മാന്‍പവറിന്റെ നേതൃത്വത്തില്‍ പ്രത്യേക സമിതിക്ക് രൂപം നല്‍കി.
