കുവൈറ്റ് സിറ്റി: കുവൈറ്റിലെ തൊഴില്‍ വിപണിയിലെ ക്ഷാമം പരിഹരിക്കുന്നതിന്റെ ഭാഗമായി മറ്റ് രാജ്യങ്ങളില്‍ നിന്നു തൊഴിലാളികളെ എത്തിക്കാന്‍ പബ്ലിക് അതോറിറ്റി ഫോര്‍ മാന്‍പവര്‍ നടപടികള്‍ ആരംഭിച്ചു.
ഇതിന്റെ ഭാഗമായി മറ്റ് രാജ്യങ്ങളുമായി തൊഴില്‍ ധാരണപത്രത്തില്‍ ഒപ്പുവെക്കുന്നതിന് ആവശ്യമായ നടപടികള്‍ സ്വീകരിക്കാന്‍ ഉപപ്രധാനമന്ത്രിയും ആഭ്യന്തരമന്ത്രിയും ആക്ടിങ് പ്രതിരോധമന്ത്രിയുമായ ശൈഖ് തലാല്‍ ഖാലിദ് അല്‍ അഹമ്മദ് അസ്സ ബാഹ് നിര്‍ദേശം നല്‍കിയതായി പബ്ലിക് അതോറിറ്റി ഫോര്‍ മാന്‍പവര്‍ അറിയിച്ചു.
രാജ്യത്തെ തൊഴില്‍ വിപണിയില്‍ ജന സംഖ്യാ അസന്തുലിതാവസ്ഥ ഒഴിവാക്കാനാണ് പുതിയ രാജ്യങ്ങളില്‍ നിന്നുള്ള റിക്രൂട്ട്മെന്‍്റ് നടത്തുന്നതെന്നും അധികൃതര്‍ വ്യക്തമാക്കി. ഒമ്ബത് ലക്ഷത്തിലധികം വരുന്ന ഇന്ത്യക്കാരാണ് നിലവില്‍ രാജ്യത്തെ ഏറ്റവും വലിയ തൊഴില്‍ ശക്തിയെന്ന് കഴിഞ്ഞ ദിവസം പുറത്തുവന്ന കണക്കുകള്‍ സൂചിപ്പിച്ചിരുന്നു.
