കുവൈത്ത് സിറ്റി: കുവൈത്തില്‍ രക്ത ബാഗുകള്‍ക്കും അതുമായി ബന്ധപ്പെട്ട സേവനങ്ങള്‍ക്കും പ്രവാസികള്‍ക്ക് ആരോഗ്യ മന്ത്രാലയം പുതിയ ഫീസ് ഏര്‍പ്പെടുത്തി.
ഇതുപ്രകാരം പ്രവാസികളായ രോഗികളില്‍ നിന്ന് രക്തം കയറ്റുന്നതിന് ഓരോ ബാഗിനും 20 ദിനാര്‍ വീതം ഈടാക്കും.
രക്തം കയറ്റല്‍ സേവന വകുപ്പിന്റെ ലബോറട്ടറികളില്‍ നടത്തുന്ന 37ഓളം വിവിധ പരിശോധനകള്‍ക്കും അര ദിനാര്‍ മുതല്‍ 15 ദിനാര്‍ വരെ ഫീസ് ചുമത്തുവാനും തീരുമാനിച്ചതായി മന്ത്രാലയം പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി.
എന്നാല്‍, രക്തദാനം വഴി രക്തം ലഭിക്കുന്ന രോഗികളെ രക്ത ബാഗ് ഫീസില്‍ നിന്ന് ഒഴിവാക്കും. സന്ദര്‍ശക വിസയിലുള്ളവര്‍ക്ക് ഫീസ് നിരക്ക് ഇരട്ടി ആയിരിക്കുമെന്നും വാര്‍ത്താ കുറിപ്പില്‍ സൂചിപ്പിച്ചിട്ടുണ്ട്.
