കുവൈത്തിലേക്ക് കൂടുതല് രാജ്യങ്ങളില്നിന്ന് ഗാര്ഹിക തൊഴിലാളികളെ റിക്രൂട്ട് ചെയ്യുന്നു. ഇത്യോപ്യയില്നിന്ന് ഗാര്ഹിക തൊഴിലാളികളെ കൊണ്ടുവരുന്നതിനുള്ള കരാറില് ഒപ്പിട്ടതായി കുവൈത്ത് ഫെഡറേഷന് ഓഫ് ഡൊമസ്റ്റിക് ലേബര് റിക്രൂട്ട്മെന്റ് ഓഫിസുകളുടെ തലവന് ഖാലിദ് അല് ദഖ്നാന് അറിയിച്ചു.കരാര് പ്രകാരം കുവൈത്തിലേക്ക് വരുന്ന ഗാര്ഹിക തൊഴിലാളികള്ക്ക് ഇത്യോപ്യന് ഫെഡറേഷന് ഓഫ് ഡൊമസ്റ്റിക് വര്ക്കേഴ്സ് ആവശ്യമായ പരിശീലനം നല്കും.
കൂടുതല് വീട്ടുജോലിക്കാരെ കണ്ടെത്തുന്നതിന്റെ ഭാഗമായാണ് ഇത്യോപ്യയുമായി ധാരണ രൂപപ്പെട്ടത്.
ഫിലിപ്പീൻസുമായുള്ള റിക്രൂട്ട്മെന്റ് നടപടികള് നിര്ത്തിയതിനെ തുടര്ന്നുണ്ടായ ഗാര്ഹിക തൊഴില് പ്രതിസന്ധി പരിഹരിക്കുന്നതിന്റെ ഭാഗമായാണ് പുതിയ നീക്കം. കെനിയ, യുഗാണ്ട എന്നീ രാജ്യങ്ങളുമായും തൊഴില്ക്കരാറിനായുള്ള ചര്ച്ചകള് നടന്നുവരുകയാണെന്ന് അല് ദഖ്നാന് പറഞ്ഞു.