കുവൈത്ത് സിറ്റി: തൃശൂര്‍ അസോസിയേഷൻ ഓഫ് കുവൈത്ത് മെട്രോ മെഡിക്കല്‍ ഗ്രൂപ്പിന്റെ സഹകരണത്തോടെ മെഡിക്കല്‍ ക്യാമ്ബ് സംഘടിപ്പിച്ചു. സാല്‍മിയ മെട്രോ മെഡിക്കല്‍ കെയറില്‍ സംഘടിപ്പിച്ച രണ്ടാംഘട്ട ക്യാമ്ബില്‍ കുവൈത്തിലെ വിവിധ ഏരിയയില്‍ നിന്നും മുന്നൂറോളം പേര്‍ പങ്കെടുത്തു.
ട്രാസ്ക് സോഷ്യല്‍ വെല്‍ഫെയര്‍ കണ്‍വീനര്‍ ജയേഷ് എങ്ങണ്ടിയൂര്‍ സ്വാഗതം പറഞ്ഞു. പ്രസിഡന്റ്‌ ആന്റോ പാണേങ്ങാടൻ മെഡിക്കല്‍ ക്യാമ്ബ് ഉദ്ഘാടനം ചെയ്തു.
എല്ലാ പ്രവാസികള്‍ക്കും മെഡിക്കല്‍ ക്യാമ്ബ് ഉപയോഗപ്പെടുത്താൻ കഴിഞ്ഞത് ചാരിതാര്‍ഥ്യം നിറഞ്ഞ അനുഭവമാണെന്നും സാല്‍മിയ മെട്രോ കെയര്‍ അധികൃതരോടുള്ള നന്ദിയും അദ്ദേഹം പറഞ്ഞു. മെട്രോ മെഡിക്കല്‍ ഗ്രൂപ് മാനേജര്‍ ഫെസല്‍ ഹംസ, ട്രാസ്ക് ജനറല്‍ സെക്രട്ടറി ഹരി കുളങ്ങര എന്നിവര്‍ ആശംസകള്‍ നേര്‍ന്നു. ട്രഷറര്‍ ജാക്സണ്‍ ജോസ് നന്ദി പറഞ്ഞു.
