കുവൈത്തില്‍വ്യാപാരകേന്ദ്രങ്ങളില്‍ വാണിജ്യ വ്യവസായ മന്ത്രാലയ ഉദ്യോഗസ്ഥരുടെ പരിശോധന തുടരുന്നു. ബുധനാഴ്ച മുബാറക് അല്‍ കബീര്‍, അഹമ്മദി ഗവര്‍ണറേറ്റുകളിലെ കടകളില്‍ പരിശോധന നടത്തി. ഇവിടങ്ങളില്‍നിന്ന് 10 നിയമലംഘനങ്ങള്‍ കണ്ടെത്തി.
കൃത്രിമ വിലക്കയറ്റം സൃഷ്ടിക്കുന്നവര്‍ക്കെതിരെയും പൂഴ്ത്തിവെപ്പ് നടത്തുന്നവര്‍ക്കെതിരെയും കര്‍ശനമായ നടപടി സ്വീകരിക്കുമെന്ന് അധികൃതര്‍ വ്യക്തമാക്കി. കടകളില്‍ ഉല്‍പന്നങ്ങളില്‍ രേഖപ്പെടുത്തിയ വില മാത്രമേ ഉപഭോക്താക്കളില്‍നിന്ന് ഈടാക്കാവൂ. അല്ലാത്തവര്‍ക്കെതിരെ ശക്തമായ നടപടികള്‍ സ്വീകരിക്കുമെന്ന് അധികൃതര്‍ മുന്നറിയിപ്പ് നല്‍കി. വരുംദിവസങ്ങളിലും പരിശോധന തുടരുമെന്നും വാണിജ്യമന്ത്രാലയം അറിയിച്ചു.
