കുവൈത്ത് സിറ്റി: സെന്റ്‌ ഗ്രിഗോറിയോസ്‌ ഇന്ത്യൻ ഓര്‍ത്തഡോക്സ്‌ മഹാ ഇടവകയുടെ 2023ലെ ആദ്യഫലപ്പെരുന്നാളിനോടനുബന്ധിച്ച റാഫിള്‍ കൂപ്പണിന്റെ പ്രകാശനവും ആദ്യ വില്പനയും നടന്നു.
ഇടവകയുടെ വിവിധ ആരാധന കേന്ദ്രങ്ങളായ സിറ്റി നാഷനല്‍ ഇവാഞ്ചലിക്കല്‍ ചര്‍ച്ച്‌, അബ്ബാസിയ സെന്റ്‌ ബസേലിയോസ്‌ ചാപ്പല്‍, സാല്‍മിയ സെന്റ്‌ മേരീസ്‌ ചാപ്പല്‍ എന്നിവിടങ്ങളില്‍ വിശുദ്ധ കുര്‍ബാനക്കുശേഷം കൂപ്പണ്‍ പ്രകാശനം നടത്തി.
കൂപ്പണ്‍ കണ്‍വീനര്‍ ഷാജി ജോര്‍ജില്‍നിന്ന് ഏറ്റുവാങ്ങി മഹാ ഇടവക വികാരി ഫാ. ബിജു ജോര്‍ജ്‌ പാറയ്ക്കല്‍, സഹവികാരി ഫാ. ലിജു കെ. പൊന്നച്ചൻ എന്നിവര്‍ ചേര്‍ന്ന്‌ പ്രകാശനം ചെയ്തു. ഹാര്‍വെസ്റ്റ്‌ ജനറല്‍ കണ്‍വീനര്‍ ജോണ്‍ പി. ജോസഫ്‌, ജോ. ജനറല്‍ കണ്‍വീനര്‍ ജേക്കബ്‌ തോമസ്‌ വല്ലേലില്‍ എന്നിവര്‍ക്ക്‌ കൈമാറി.
മഹാ ഇടവക ആക്ടിങ് ട്രസ്റ്റി തോമസ്‌ ചാക്കോ, ഇടവക സെക്രട്ടറി ജിജു പി. സൈമണ്‍, മലങ്കര സഭ മാനേജിങ് കമ്മിറ്റിയംഗം തോമസ്‌ കുരുവിള, റിസപ്ഷൻ കണ്‍വീനര്‍ ഉമ്മൻ വി. കുര്യൻ എന്നിവര്‍ സംബന്ധിച്ചു.
