കുവൈറ്റ് സിറ്റി: പാലക്കാട് പ്രവാസി അസോസിയേഷൻ ഓഫ് കുവൈറ്റിന്റെ (പല്പക്) 15ാം വാര്ഷികത്തോട് അനുബന്ധിച്ച് പല്പക് വനിതാവേദി പാലക്കാട് ജില്ലയിലെ വിവിധ പ്രദേശങ്ങളില് നിന്നുള്ള നിര്ധനരായ വിദ്യാര്ഥികള്ക്ക് പഠനോപകരണ കിറ്റുകള് വിതരണം ചെയ്തു.
ഞായറാഴ്ച രാവിലെ 11ന് പാലക്കാട് കെപിഎം റീജൻസി ഓഡിറ്റോറിയത്തില് നടന്ന പരിപാടിയുടെ ഉദ്ഘാടനം പാലക്കാട് മുൻസിപ്പല് ചെയര്പേഴ്സണ് പ്രിയാ അജയൻ നിര്വഹിച്ചു. ട്രിനിറ്റി ഐ കെയര് സിഎംഡി ഡോ. മൃദുല സുനില് പഠനോപകരണ കിറ്റുകള് കുട്ടികള്ക്ക് വിതരണം ചെയ്തു.
പ്രശസ്ത ഫോക് ആര്ട്ടിസ്റ്റ് ജനാര്ദ്ദനൻ പുതുശേരി നാടൻ പാട്ടിലൂടെ വിദ്യാര്ഥികളെ അഭിസംബോധന ചെയ്തു. പല്പക് ഉപദേശകസമിതി അംഗം സുരേഷ് പുളിക്കല് അധ്യക്ഷത വഹിച്ച ചടങ്ങില് വനിതാ വേദി അംഗം സ്മിത മനോജ് സ്വാഗതവും ഫര്വാനിയ ഏരിയാ സെക്രട്ടറി സംഗീത് പരമേശ്വരൻ നന്ദിയും പ്രകാശിപ്പിച്ചു.
ജിജുമാത്യു, മനോജ് പരിയാനി, ശിവദാസ് വാഴയില്, കൃഷ്ണകുമാര്, ഹരിമങ്കര, മോഹനൻ എന്നിവര് പരിപാടിക്ക് ആശംസകളര്പ്പിച്ച് സംസാരിച്ചു.