കുവൈത്തില്‍ സര്‍ക്കാര്‍ ജീവനക്കാര്‍ക്ക് അവരുടെ സൗകര്യമനുസരിച്ച്‌ അനുയോജ്യ സമയത്ത് ജോലി ചെയ്യാൻ അവസരമൊരുങ്ങുന്നു.
പുതിയ നിര്‍ദേശപ്രകാരം, രാവിലെ ഏഴ് മുതല്‍ ഒമ്ബത് മണിയുടെ ഇടയില്‍ ഓഫിസുകള്‍ ആരംഭിക്കും.
ഇതിനിടയില്‍ സൗകര്യമനുസരിച്ച്‌ ജോലിയില്‍ പ്രവേശിച്ചാല്‍ മതിയാകും. തുടര്‍ന്ന് ഔദ്യോഗിക പ്രവൃത്തി സമയം പൂര്‍ത്തിയാക്കുന്നമുറക്ക് ഉച്ചക്ക് ഒന്നര മുതല്‍ മൂന്നര വരെയുള്ള സമയത്ത് ജോലി അവസാനിക്കും.
പ്രതിദിനം ഏഴു മണിക്കൂറായിരിക്കും പ്രവൃത്തിസമയം. പ്രവൃത്തിസമയം പരിഷ്കരിക്കുന്ന ആഭ്യന്തര മന്ത്രാലയത്തിന്‍റെ നിര്‍ദേശത്തിന് സിവില്‍ സര്‍വിസ് കൗണ്‍സില്‍ അംഗീകാരം നല്‍കിയതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
