കുവൈത്ത് സിറ്റി: കുവൈത്തില് വിവിധതരം മയക്കുമരുന്നുമായി 19 പ്രവാസികള് അറസ്റ്റില്. ആഭ്യന്തര മന്ത്രാലയം 14 പ്രദേശങ്ങളിലായി നടത്തിയ പരിശോധനയിലാണ് ഇത്രയും പേര് പിടിയിലായത്.
ഇവരില് നിന്ന് 10 കിലോഗ്രാം മയക്കുമരുന്നും 9,914 ഗുളികകളും കണ്ടെത്തിയതായി അധികൃതര് പറഞ്ഞു. രാജ്യത്ത് നിന്നും അടുത്തിടെയായി വൻതോതിലുള്ള മയക്കുമരുന്നാണ് അധികൃതര് പിടികൂടിയത്.
ലഹരിക്കടത്തിനും കച്ചവടത്തിനുമെതിരെ ശക്തമായ നടപടിയാണ് കുവൈത്ത് സ്വീകരിച്ചു വരുന്നത്. മയക്കുമരുന്നിനെതിരായ പോരാട്ടത്തില് സുരക്ഷാ ഉദ്യോഗസ്ഥരുമായി സഹകരിക്കണമെന്നും സംശയാസ്പദമായ കാര്യങ്ങള് കണ്ടാല് 112 എന്ന നമ്ബരിലേക്കോ ഡ്രഗ് കണ്ട്രോള് ഹോട്ട്ലൈനിലേക്കോ വിവരം അറിയിക്കണമെന്ന് അധികൃതര് അറിയിച്ചു.