മസ്കത്ത്: വൈദ്യുതി ഉപഭോഗം ഏറ്റവും കൂടുതല് വര്ധിക്കുന്ന ജൂലൈ, ആഗസ്റ്റ് മാസങ്ങളില് വൈദ്യുതി ബില്ലിന് സബ്സിഡി വര്ധിപ്പിക്കാൻ പബ്ലിക് സര്വീസ് റഗുലേറ്ററി അതോറിറ്റി തീരുമാനിച്ചു. ഈ വിഷയത്തില് മന്ത്രി സഭ നല്കിയ നിര്ദ്ദേശമനുസരിച്ചാണ് സബ്സിഡി വര്ധിപ്പിക്കുന്നത്.
വൈദ്യുതി ബില്ലില് നിലവില് നല്കുന്ന 15 ശതമാനത്തില് നിന്ന് 30 ശതമാനം സബ്സിഡി നല്കാനാണ് തീരുമാനം. താമസ വിഭാഗത്തില് ഉള്പ്പെടുന്ന എല്ലാ വിഭാഗങ്ങള്ക്കും സബ്സിഡി ബാധകമായിരിക്കും. പുതിയ മാര്ഗ്ഗ നിര്ദ്ദേശമനുസരിച്ച് സ്വദേശിള്ക്കൊപ്പം പ്രവാസി താമസക്കാര്ക്കും സബ്സിഡി ലഭിക്കും. വൈദ്യുതി ബില് സംബന്ധമായ നിരവധി പരാതികള് ഉയര്ന്നതിനെ തുടര്ന്ന് മന്ത്രി സഭ വിഷയം പഠിക്കാൻ കമ്മീഷനെ നിശ്ചയിച്ചിരുന്നു.
കമീഷൻ വിഷയം വിശദമായി പഠിച്ചതിന്റെ അടിസ്ഥാനത്തില് വിഷയത്തിന് പരിഹാരം കാണണമെന്ന തീരുമാനത്തിലെത്തിയിരുന്നു. ഇതേ തുടര്ന്നാണ് പബ്ലിക് സര്വീസ് റഗുലേറ്ററി അതോറിറ്റി സബ്സിഡി നല്കാൻ തീരുമാനിച്ചത്. വേനല്കാല മാസങ്ങളില് വൈദ്യുതി ബില് കുത്തനെ ഉയരുന്നതിനെതിരെ വ്യാപക പരാതികള് ഉയര്ന്നിരുന്നു.