മസ്കത്ത്: കോട്ടയത്തിന്റെ യശസുയര്‍ത്തി പുതിയൊരു ചരിത്രം കുറിച്ച്‌ രണ്ടാമത് ഒമാൻ-യു.എ.ഇ അന്താരാഷ്ട്ര നാടൻ പന്തുകളി മത്സരം നടന്നു.
ഒമാൻ, യു.എ.ഇ, ബഹ്റൈൻ, ഖത്തര്‍ എന്നിവിടങ്ങളില്‍നിന്നുള്ള കോട്ടയത്തുകാരായ പ്രവാസികള്‍ പങ്കെടുത്ത മത്സരം മസ്കത്തിലെ ഖുറം ഗ്രൗണ്ടില്‍ ‘ പോരാട്ടം 2023’ എന്നപേരിലായിരുന്നു നടന്നത്.. കോട്ടയം നേറ്റീവ്ബാള്‍ അസോസിയേഷൻ മസ്ക്കത്തും കേരള നേറ്റീവ് ബാള്‍ അസോസിയേഷൻ യു.എ.ഇയും ഒ.ഐ.സി.സി ഒമാൻ ചാപ്റ്ററും സംയുക്തമായി സംഘടിപ്പിച്ച ടൂര്‍ണമെന്‍റ് കെ.പി.സി.സി സെക്രട്ടറി ബി.ആര്‍.എം ഷെഫീര്‍ ഉദ്ഘാടനം ചെയ്തു.
മറ്റു വിശിഷ്ട വ്യക്തികളും ചടങ്ങില്‍ സംബന്ധിച്ചു. ടൂര്‍ണമെന്‍റില്‍ ബഹ്റൈൻ ബി.കെ.എൻ.ബി.എഫ് ടീം വിജയികളായി. ഫൈനലില്‍ യു.എ.ഇ സെവൻസ് ടീമിനെയാണ് പരാജയപ്പെടുത്തിയത്. ഉമ്മൻ ചാണ്ടി എവര്‍ റോളിങ് ട്രോഫി, കെ.എന്‍.ബി.എ മസ്കത്ത്, കെ.എന്‍.ബി.എ യു.എ.ഇ, മറ്റ്വ്യക്തികളും നല്‍കിയ എവര്‍ റോളിങ് ട്രോഫിയും വിജയികള്‍ക്ക് സമ്മാനിച്ചു.
