കുവൈത്ത് സിറ്റി: ഹവല്ലിയില് കെട്ടിടത്തിലുണ്ടായ തീപിടിത്തത്തില് രണ്ടുപേര്ക്ക് പരിക്കേറ്റു. ഹവല്ലിയിലെ ഒരു കെട്ടിടത്തിന്റെ അഞ്ചാം നിലയിലെ അപ്പാര്ട്ട്മെന്റിലാണ് തീപിടിത്തം ഉണ്ടായത്.
ഹവല്ലി സെന്ററിലെയും സാല്മിയ സെന്ററിലെയും അഗ്നിശമന സേന ഉടൻ സ്ഥലത്തെത്തി.
കെട്ടിടത്തില് ഉണ്ടായിരുന്നവരെ അതിവേഗത്തില് ഒഴിപ്പിച്ച സംഘം സ്ഥിതിഗതികള് നിയന്ത്രണത്തിലാക്കി തീ അണക്കുകയായിരുന്നു. സംഭവത്തില് രണ്ടുപേര്ക്ക് പരിക്കേറ്റു. ഇവരെ ചികിത്സക്കായി മെഡിക്കല് അത്യാഹിത വിഭാഗത്തിലേക്ക് മാറ്റി. തീപിടിത്തത്തില് നിരവധി വസ്തുക്കള് കത്തിനശിച്ചു.