കുവൈത്ത് സിറ്റി: ഇടുക്കി അസോസിയേഷൻ കുവൈത്ത് വാർഷിക പൊതുയോഗവും തെരഞ്ഞെടുപ്പും അബ്ബാസിയയില്‍ നടന്നു. ജനറല്‍ സെക്രട്ടറി മാർട്ടിൻ വാർഷിക റിപ്പോർട്ടും ട്രഷറർ ജോണ്‍ലി സാമ്ബത്തിക റിപ്പോർട്ടും അവതരിപ്പിച്ചു.
പ്രസിഡന്റ് ജോബിൻസ് ജോസഫ്, വിമൻസ് ഫോറം ചെയർപെഴ്സണ്‍ വിനീത ഔസേപ്പച്ചൻ എന്നിവർ ആശംസകള്‍ നേർന്നു. കുവൈത്ത് പ്രവാസജീവിതം അവസാനിപ്പിച്ച്‌ യാത്ര തിരിക്കുന്ന ജനറല്‍ സെക്രട്ടറി മാർട്ടിന് യോഗത്തില്‍ മെമന്റോ നല്‍കി ആദരിച്ചു. ജിജി മാത്യു, ഐവി അലക്സ്, വിനീത ഔസേപ്പച്ചൻ എന്നിവർ സംസാരിച്ചു. ജോയന്റ് സെക്രട്ടറി ഔസേപ്പച്ചൻ സ്വാഗതവും ട്രഷറർ ബിജോ ജോസഫ് നന്ദിയും പറഞ്ഞു.
ജോസ് തോമസ്, ബൈജു പോള്‍, ബിജോ തോമസ് എന്നിവർ തെരഞ്ഞെടുപ്പ് നിയന്ത്രിച്ചു. പുതിയ ഭാരവാഹികള്‍: എബിൻ തോമസ് (പ്രസി), ജോണ്‍ലി തുണ്ടിയില്‍ (വൈ. പ്രസി), ജോബിൻസ് ജോസഫ് (ജന.സെക്ര), ബിജോ ജോസഫ് (ട്രഷ), ജോമോൻ പി.ജേക്കബ് (ജോ.സെക്ര), അനീഷ് പ്രഭാകരൻ (ജോ.ട്രഷ), രാജി ഷാജി മാത്യു (വിമൻസ് ഫോറം ചെയർപെഴ്സണ്‍), ഷിജു ബാബു(ജനറല്‍ കോഓഡിനേറ്റർ), ജിജി മാത്യു (അഡ്വൈസറി ബോർഡ് ചെയർമാൻ).
