കുവൈറ്റ്: കുവൈറ്റില് കൊവിഡ് വാക്സിന് ഒരു ഡോസ് സ്വീകരിച്ച വിദ്യാര്ത്ഥികള്ക്കും, അധ്യാപകര്ക്കും , രക്ഷകര്ത്താക്കള്ക്കും ഓഡിറ്റര്മാര്ക്കും വിദ്യാലയങ്ങളില് പ്രവേശിക്കാന് വിദ്യഭാസം മന്ത്രാലയം അനുമതി നല്കി.
പൊതു വിദ്യാഭ്യാസ മന്ത്രാലയം അണ്ടര് സെക്രട്ടറി ഒസാമ അല് സുല്ത്താനാണ് ഇക്കാര്യം അറിയിച്ചത്. ഇത് സംബന്ധിച്ച് എല്ലാ സ്കൂള് പ്രിന്സിപ്പല്മാര്ക്കും വിജ്ഞാപനം അയച്ചതായും അദ്ദേഹം അറിയിച്ചു.
അതെസമയം, കോവിഡ് മാനദണ്ഡ പ്രകാരം ഒരു ഡോസും എടുക്കാത്ത 12 വയസ്സ് മുതല് പ്രായമുള്ള വിദ്യാര്ഥികള്ക്കു മാത്രം വാരാന്ത കോവിഡ് സ്വാബ് നല്കിയാല് മതിയെന്നും ഉത്തരവില് വ്യക്തമാക്കിയിട്ടുണ്ട്.
മാസങ്ങള്ക്ക് ശേഷം കുവൈറ്റില് ഇന്നാണ് പൊതുവിദ്യാലയങ്ങള് തുറന്നത് .കോവിഡ് മാനദണ്ഡ പ്രകാരം വന് ആരോഗ്യ സുരക്ഷാ മുന്കരുതലോടെയായിരുന്നു സ്കൂളുകളില് വിദ്യാര്ഥികളെ വരവേറ്റത്.
നീണ്ട നാളത്തെ വെര്ച്വല് ക്ളാസുകള്ക്കു വിരാമമിട്ട് സഹപാഠികളെയും അധ്യാപകരെയും നേരില് കണ്ട സന്തോഷത്തില് ആയിരുന്നു ബഹു ഭൂരിപക്ഷം വിദ്യാര്ത്ഥികളും,