കുവൈത്തില് വിസ നടപടികളില് നല്കിയ പ്രത്യേക ആനുകൂല്യം ഈ മാസം അവസാനിക്കും.ആറു മാസമായി രാജ്യത്തിന് പുറത്തുള്ള പ്രവാസികള് ജനുവരി 31നുമുമ്ബ് രാജ്യത്ത് പ്രവേശിക്കണം.
അല്ലാത്ത പക്ഷം ഇവരുടെ റസിഡന്റ്സ് പെര്മിറ്റ് സ്വയം റദ്ദാകും. ഇതിനുള്ള നിര്ദേശങ്ങള് നല്കിയതായി റസിഡന്സി അഫയേഴ്സ് ആഭ്യന്തര മന്ത്രാലയം അസിസ്റ്റന്റ് അണ്ടര് സെക്രട്ടറി ഫവാസ് അല് മഷാന് അറിയിച്ചതായി അറബ് ടൈംസ് റിപ്പോര്ട്ടു ചെയ്തു.
റസിഡന്സ് പെര്മിറ്റ് റദ്ദായാല് പുതിയ നടപടിക്രമങ്ങളും അംഗീകാരങ്ങളും ഇല്ലാതെ രാജ്യത്ത് വീണ്ടും പ്രവേശിക്കാന് കഴിയില്ല. ആര്ട്ടിക്കിള് 17, ആര്ട്ടിക്കിള് 19, ആര്ട്ടിക്കിള് 22, ആര്ട്ടിക്കിള് 23, ആര്ട്ടിക്കിള് 24, ദീര്ഘകാലമായി രാജ്യത്തിന് പുറത്തുള്ളവര് എന്നിവര്ക്കെല്ലാം ഇത് ബാധകമായിരിക്കും. ജനുവരി 31നുശേഷം മറ്റൊരു അവസരം നല്കില്ലെന്നും ആഭ്യന്തര മന്ത്രാലയത്തിന്റെ റസിഡന്സ് അഫയേഴ്സ് വിഭാഗം വ്യക്തമാക്കി.