മസ്കത്ത്: പൊടിക്കാറ്റിനെത്തുടര്ന്ന് മരുഭൂമിയില് നിന്നുള്ള മണല് റോഡിലേക്ക് കയറിയതിനെ തുടര്ന്ന് യാത്രക്കാര് ബുദ്ധിമുട്ടിലായി. ആദം-തുംറൈത്ത് റോഡില് ഖരത് അല് മില്ഹ് തൊട്ടുള്ള പാതയിലാണ് മണല് അടിഞ്ഞുകൂടിയത്.
യാത്രക്കാര് ജാഗ്രത പാലിക്കണമെന്നും സുരക്ഷ ഉറപ്പാക്കണമെന്നും റോയല് ഒമാന് പോലീസ് മുന്നറിയിപ്പ് നല്കിയിരുന്നു. മണ്ണുമാന്തി യന്ത്രം ഉപയോഗിച്ചാണ് അധികൃതര് മണല് നീക്കിയത്. മസ്കറ്റ് ഉള്പ്പെടെ രാജ്യത്തെ വിവിധ ഗവര്ണറേറ്റുകളില് കഴിഞ്ഞ രാത്രികളില് ശക്തമായ കാറ്റ് അനുഭവപ്പെട്ടിരുന്നു.