ഒമാനില്‍നിന്നുള്ള എണ്ണയിതര ഉല്‍പന്നങ്ങളുടെ കയറ്റുമതി മുന്‍വര്‍ഷത്തെക്കാള്‍ 50 ശതമാനം വര്‍ധിച്ചു. ഈ കാലയളവില്‍ അമേരിക്ക, ഇന്ത്യ, ഗള്‍ഫ് മേഖല എന്നിവിടങ്ങളിലേക്കാണ് ഒമാന്‍ പ്രധാനമായും കയറ്റുമതി നടത്തിയത്. 2022 ആദ്യ ഒമ്ബത് മാസങ്ങളില്‍ 5.619 ശതകോടി റിയാലിന്‍റെ എണ്ണയിതര ഉല്‍പന്നങ്ങളാണ് കയറ്റിയയച്ചത്.
മുന്‍ വര്‍ഷം ഇതേ കാലയളവില്‍ 3.743 ശതകോടി റിയാലായിരുന്നു കയറ്റുമതി തുക. കോവിഡാനന്തരം ലോകം മുഴുവന്‍ അടിസ്ഥാന ഉല്‍പന്നങ്ങളുടെ ആവശ്യം കുതിച്ചുയര്‍ന്നതാണ് ഇത്തരം ഉല്‍പന്നങ്ങള്‍ക്ക് ആവശ്യകത വര്‍ധിക്കാന്‍ കാരണമായത്. കയറ്റുമതി വര്‍ധിച്ചതും എണ്ണവില ഉയര്‍ന്നതും ഒമാന്‍ സാമ്ബത്തികമേഖലക്ക് ശക്തിപകരാന്‍ കാരണമായിട്ടുണ്ട്. ഇത് ആഭ്യന്തര ഉല്‍പാദനം 4.5 ശതമാനം വര്‍ധിക്കാനും കാരണമായി.
