മസ്കത്ത്: ഒമാനിലെ ഏറ്റവും വലിയ പ്രവാസി കൃഷിക്കൂട്ടായ്മയായ ഒമാന് കൃഷിക്കൂട്ടത്തിന്റെ എട്ടാമത് വിളവെടുപ്പുത്സവം ബര്ക്കയിലെ ഹല്ബാന് ഫാമില് കഴിഞ്ഞ ദിവസം നടന്നു. കേരള സര്ക്കാറിന്റെ നെല്കൃഷിക്കുള്ള മികച്ച കര്ഷക അവാര്ഡ് നേടിയ സിനിമ സീരിയല് നടന് കൃഷ്ണപ്രസാദ് മുഖ്യാതിഥിയായി.
കുലച്ചു നില്ക്കുന്ന വാഴകളും ചെന്തെങ്ങിന് കുലകളും കുരുത്തോല പന്തലും എല്ലാം നാട്ടിലെ കാര്ഷികോത്സവത്തെ അനുസ്മരിപ്പിക്കുന്നതായി. കുളിര്മയേകുന്ന കാഴ്ചയായി ഒമാന് കൃഷിക്കൂട്ടം അംഗങ്ങളുടെ തോട്ടങ്ങളില്നിന്ന് വിളവെടുത്ത പച്ചക്കറികളുടെ പ്രദര്ശനവും ഒരുക്കിയിരുന്നു. ഉറിയടി, വടം വലി തുടങ്ങിയ മത്സരങ്ങളും മറ്റു കലാപരിപാടികളും അരങ്ങേറി. മസ്കത്തിലെ നാടന്പാട്ട് കൂട്ടായ്മയായ ഞാറ്റുവേലക്കൂട്ടം അവതിപ്പിച്ച നാടന്പാട്ട് പരിപാടിക്ക് മികവേകി. ഒമാന് കൃഷിക്കൂട്ടം അഡ്മിന് ഷൈജു വേതോട്ടില് അധ്യക്ഷത വഹിച്ചു.
ഷാഹി ഫുഡ്സ് ആന്ഡ് സ്പൈസസ് മാനേജിങ് ഡയറക്ടര് അഷ്റഫ് ആശംസ പറഞ്ഞു. ഒമാന് കൃഷിക്കൂട്ടം മാതൃക കര്ഷക/കര്ഷകന് അവാര്ഡ് വിതരണവും ചടങ്ങില് നടന്നു. ഒമാനില് മുന്തിരിക്കൃഷിയുടെ സാധ്യതകള് തെളിയിച്ച സുനി ശ്യാമിനെ കൃഷ്ണപ്രസാദ് പൊന്നാടയണിയിച്ചു.
സുനിയുടെ കൃഷിരീതികളെ പറ്റി ഇ.എം. അഷ്റഫ് എഴുതിയ ‘അറേബ്യന്മണ്ണിലെ മലയാളി കര്ഷകര്’ എന്ന പുസ്തകം വിശിഷ്ടാതിഥിക്ക് കൈമാറി. സന്തോഷ് വര്ഗീസ് സ്വാഗതവും ഷഹനാസ് അഷ്റഫ് നന്ദിയും പറഞ്ഞു.