കുവൈത്ത് സിറ്റി: രാജ്യത്ത് വൈദ്യുതി ഉപയോഗത്തില് നിയന്ത്രണം കൊണ്ടുവരുന്നു. ഇതുസംബന്ധമായ നിര്ദേശത്തിന് കുവൈത്ത് മുനിസിപ്പാലിറ്റി അംഗീകാരം നല്കിയതായി മുനിസിപ്പാലിറ്റി ഡയറക്ടര് അഹമ്മദ് അല് മന്ഫൂഹി അറിയിച്ചു.
പുതിയ നിര്ദേശ പ്രകാരം സ്വകാര്യ ഭവനങ്ങളില് അനധികൃതമായി വൈദ്യുതി ഉപയോഗിക്കുന്നത് കണ്ടെത്തിയാല് കണക്ഷന് വിച്ഛേദിക്കും. ജല ഉപഭോഗം ഉയര്ന്ന നിലയിലാണെങ്കില് വൈദ്യുതിക്ക് സര്ക്കാര് നല്കുന്ന സബ്സിഡികള് റദ്ദാക്കുമെന്നും അഹ്മദ് അല് മന്ഫൂഹി വ്യക്തമാക്കി. ഉപയോഗത്തില് നിയന്ത്രണം പാലിക്കാന് ശ്രദ്ധിക്കണമെന്നും ഊര്ജം സംരക്ഷിക്കുന്നതിന് ആവശ്യമായ അറ്റകുറ്റപ്പണി ഉറപ്പാക്കുന്നതിന് മന്ത്രാലയം നടപടി സ്വീകരിച്ചതായും അധികൃതര് പറഞ്ഞു.