അടുത്തവര്ഷം നടക്കുന്ന അമേരിക്കന് പ്രസിഡന്റ് തെരഞ്ഞെടുപ്പില് ഒരു വട്ടം കൂടി മത്സരിക്കാന് ഉറച്ച് പ്രസിഡന്റ് ജോ ബൈഡന്.
വൈറ്റ് ഹൗസിലെ വിജയകരമായ പ്രവര്ത്തനങ്ങളുടെ നാലാം വാര്ഷിക ആഘോഷത്തോടനുബന്ധിച്ച് അടുത്താഴ്ച തന്നെ പ്രഖ്യാപനം ഉണ്ടായേക്കുമെന്നാണ് സൂചന.
80 വയസ്സുള്ള ജോ ബൈഡന് പ്രസിഡന്റായി സേവനമനുഷ്ഠിക്കുന്ന ഏറ്റവും പ്രായം കൂടിയ വ്യക്തിയാണ്. മറ്റൊരു ടേം കൂടെ തുടരാനുള്ള തന്റെ ഉദ്ദേശ്യം ബൈഡന് സൂചിപ്പിച്ചിരുന്നു. എന്നാല് പിന്നീട് പ്രഖ്യാപനമുണ്ടായില്ല.
മിഡ് ടേം തിരഞ്ഞെടുപ്പില് ഡെമോക്രാറ്റുകളുടെ ശക്തമായ പ്രകടനത്തിന്റെ ആവേശം ഉള്ക്കൊണ്ടാണ് വീണ്ടും തിരഞ്ഞെടുപ്പിന് ഒരുങ്ങാന് ബൈഡനെ പ്രേരിപ്പിച്ചത്. റിപ്പബ്ലിക്കന് പ്രൈമറിയില് സ്ഥാനാര്ത്ഥികള് രംഗത്തെത്തി കഴിഞ്ഞു.ബൈഡന്റ 2019 പ്രഖ്യാപനത്തിന്റെ വാര്ഷികമായ ഏപ്രില് 25 നായിരിക്കും പുതിയ പ്രഖ്യാപനം ഉണ്ടാവുക എന്നാണ് റിപ്പോര്ട്ട്.ഇതില് പ്രതികരിക്കാന് വൈറ്റ് ഹൗസ് വിസമ്മതിച്ചു.