മസ്കത്ത്: തെക്കന്‍ ശര്‍ഖിയ ഗവര്‍ണറേറ്റിലെ ജഅലന്‍ ബാനി ബു അലി വിലായത്തില്‍ വിശിയടിഞ്ഞ ചുഴലികാറ്റില്‍ ഒരാള്‍ക്ക് പരിക്കേറ്റു.
നിരവധി വസ്തുവകകള്‍ക്ക് നാശം നേരിട്ടതായും റിപ്പോര്‍ട്ടുണ്ട്. ശനിയാഴ്ച ഉച്ച കഴിഞ്ഞാണ് ശക്തമായ ഇടി മിന്നലിനൊപ്പം ചുഴലികാറ്റും അനുഭവപ്പെട്ടതെന്ന് ഒമാന്‍ കാലാവസ്ഥാ നിരീക്ഷണം പ്രസ്താവനയില്‍ പറഞ്ഞു.
ചുഴലികാറ്റിന്‍റെ വീഡിയോ നിരവധി ആളുകള്‍ സമൂഹമാധ്യമങ്ങളിലൂടെ ഷെയര്‍ ചെയ്തിട്ടുണ്ട്. ചുഴലികാറ്റിന് അകമ്ബടിയായി കനത്ത മഴയും പ്രദേശത്തുണ്ടായിരുന്നു. അരമണിക്കൂറോളം നീണ്ടുനിന്ന മഴയില്‍ റോഡുകളിലും മറ്റും വെള്ളം കയറുകയും ചെയ്തു. ഒട്ടകങ്ങളും ആടുകളുമുള്‍പ്പെടെ നിവധി വളര്‍ത്തും മൃഗങ്ങളും ചത്തതായി പ്രദേശവാസികള്‍ പറഞ്ഞു.
