കുവൈത്ത് സിറ്റി: അര്‍മീനിയയില്‍ തടവിലായ കുവൈത്ത് പൗരനുമായി ബന്ധപ്പെട്ട് സമൂഹ മാധ്യമങ്ങളില്‍ പ്രചരിക്കുന്ന വാര്‍ത്തകള്‍ വ്യാജമാണെന്ന് അര്‍മീനിയയിലെ കുവൈത്ത് എംബസി അറിയിച്ചു.
വിവരം അറിഞ്ഞതു മുതല്‍ വിദേശകാര്യ മന്ത്രാലയവുമായി ബന്ധപ്പെട്ട് അധികൃതരുമായി നിരന്തര സമ്ബര്‍ക്കത്തിലാണെന്നും ആവശ്യമായ നിയമസഹായങ്ങള്‍ നല്‍കുന്നതായും കുവൈത്ത് എംബസി വ്യക്തമാക്കി.
കഴിഞ്ഞ ദിവസമാണ് അധികൃതര്‍ക്കെതിരെ ആരോപണവുമായി അഭിഭാഷകന്‍ സമൂഹ മാധ്യമത്തില്‍ പോസ്റ്റിട്ടത്. വസ്തുതകള്‍ വളച്ചൊടിക്കുന്ന രീതിയിലുള്ള ഇത്തരം വാര്‍ത്തകളില്‍നിന്ന് വിട്ടുനില്‍ക്കണമെന്ന് അധികൃതര്‍ അഭ്യര്‍ഥിച്ചു.
