മസ്കറ്റ്: പരീക്ഷയുടെ സമ്മര്‍ദം കഴിഞ്ഞ് വേനല്‍ അവധിയിലേക്ക് കടന്ന കുട്ടികളുടെ സര്‍ഗാത്മക കഴിവുകള്‍ ഉണര്‍ത്തുക, ക്ലാസ് മുറികള്‍ക്കപ്പുറമുള്ള അറിവുകള്‍ സായത്തമാക്കുക, കേരളം എന്ന വലിയ സംസ്കാരത്തെ അടുത്തറിയുക എന്നിങ്ങനെ ഒട്ടനവധി വലിയ ഉദ്ദേശലക്ഷ്യങ്ങള്‍ മുമ്ബോട്ടുവെച്ചുകൊണ്ട് കൈരളി റൂവി മലയാളികളായ കുട്ടികള്‍ക്കുവേണ്ടി ഏകദിന സമ്മര്‍ ക്യാമ്ബ് സങ്കടിപ്പിച്ചു.
വെള്ളിയാഴ്ച രാവിലെ 9 മുതല്‍ റൂവി എം ബി ഡി യിലെ സ്റ്റാര്‍ ഓഫ് കൊച്ചിൻ ഹാളില്‍ ആരംഭിച്ച ക്യാമ്ബ് ഇന്ത്യൻ സ്കൂള്‍ ഡയറക്ടര്‍ ബോര്‍ഡ് അംഗം നിതീഷ് കുമാര്‍ ഉത്ഘാടനം ചെയ്തു. റൂവി യൂണിറ്റ് പ്രസിഡണ്ട് വരുണ്‍ പരിപാടിയുടെ അധ്യക്ഷൻ ആയിരുന്നു. കൈരളി ഒമാൻ പ്രസിഡന്റ് ഷാജി സെബാസ്റ്റ്യൻ, കൈരളി മസ്കറ്റ് ഏരിയ സെക്രട്ടറി റജി ഷാഹുല്‍, അനുചന്ദ്രൻ, സുബിൻ എന്നിവര്‍ സംസാരിച്ചു. അഭിലാഷ് ശിവൻ പരിപാടിക്ക് സ്വാഗതം പറഞ്ഞു. ഒമാനിലെ പ്രമുഖ പ്രിന്റിംഗ് കമ്ബനിയായ ഫാല്‍ക്കൻ പ്രിന്റേഴ്സ് ഉടമ സുരേന്ദ്രൻ കുട്ടികള്‍ക്കുള്ള സമ്മാനങ്ങള്‍ വിതരണം ചെയ്തു. പ്രശസ്ത നാടക പ്രവര്‍ത്തകൻ സുനില്‍ ഗുരുവായൂരപ്പൻ, വേണുഗോപാല്‍ എന്നിവര്‍ ക്യാമ്ബ് നയിച്ചു.
ക്യാമ്ബില്‍ പങ്കെടുത്ത കുട്ടികളില്‍ നിന്നും രക്ഷിതാക്കളില്‍ നിന്നും ആവേശകരമായ പ്രതികരണമാണ് ലഭിച്ചത്. വേനല്‍ മഴ 2023 വൻ വിജയമാക്കാൻ സഹായിച്ച മുഴുവൻ ആളുകള്‍ക്കും കൈരളി റൂവി പ്രവര്‍ത്തകര്‍ നന്ദി അറിയിച്ചു. ഇനിയും ഇത്രരം വിവിധ സാംസ്കാരിക ജീവകാരുണ്യ പ്രവര്‍ത്തനങ്ങളുമായി കൈരളി റൂവി മുൻപോട്ടു വരുമെന്ന് സംഘാടകര്‍ അറിയിച്ചു.
