മസ്കത്ത്: പയ്യന്നൂര്‍ സൗഹൃദവേദി ഒമാൻ ഘടകം ഓണാഘോഷങ്ങളുടെ ഭാഗമായി ‘പായസറാണി’ മത്സരം സംഘടിപ്പിച്ചു. ദാര്‍സൈത്ത് പാര്‍ക്കില്‍ നടന്ന മത്സരത്തില്‍ പ്രായഭേദമെന്യേ നിരവധി വനിതകള്‍ പങ്കെടുത്തു.
അനന്ദപുരി റസ്റ്റാറന്‍റിലെ പ്രധാന ഷെഫ് റോബിൻസ് മൈക്കല്‍, വാദി കബീര്‍ ഗോള്‍ഡൻ ഒയാസിസ് റസ്റ്റാറന്‍റ് എക്സിക്യൂട്ടിവ് ഷെഫ് ശ്രീകുമാര്‍ എന്നിവര്‍ വിധികര്‍ത്താക്കളായി. പയ്യന്നൂര്‍ സൗഹൃദവേദി ജനറല്‍ സെക്രട്ടറി രാജീവ് മാടായി, ട്രഷറര്‍ രഘുനാഥ്, വൈസ് പ്രസിഡന്റ് ഷൈജു കരുണ, പ്രോഗ്രാം കോഓഡിനേറ്റര്‍ സനീഷ് കാങ്കോല്‍, കള്‍ച്ചറല്‍ കണ്‍വീനര്‍ ഹരീഷ് എന്നിവര്‍ നേതൃത്വം നല്‍കി.
