കുവൈത്തില് നിന്ന് നാട്ടിലേക്ക് പ്രവാസികള് അയക്കുന്ന പണത്തിന്റെ തോതില് കുറവ്. സെൻട്രല് ബാങ്ക് ഓഫ് കുവൈത്ത് പുറത്തിറിക്കിയ സ്ഥിതി വിവരകണക്ക് പ്രകാരം നാട്ടിലേക്കുള്ള പണമയക്കലില് 5.6 ശതമാനം ഇടിവാണ് രേഖപ്പെടുത്തിയത്.
2023 ലെ രണ്ടാം പാദത്തില് പ്രവാസികള് 1.168 ബില്യണ് ദിനാറാണ് നാട്ടിലേക്ക് അയച്ചത്.
എന്നാല് ആദ്യ പാദത്തെ അപേക്ഷിച്ച് 5.6 ശതമാനം കുറവാണ് രേഖപ്പെടുത്തിയത്. കഴിഞ്ഞ വര്ഷത്തെ ഇതേ കാലയളവിനെ അപേക്ഷിച്ച് 21.9 ശതമാനം കുറവ് രേഖപ്പെടുത്തിയതായി റിപ്പോര്ട്ടില് പറഞ്ഞു. വിദേശികളുടെ ജോലിനഷ്ടവും ശമ്ബളക്കുറവുമാണ് പണമയക്കല് കുറയാൻ പ്രധാന കാരണമെന്നാണ് സൂചനകള്.
അയക്കുന്നവരുടെ എണ്ണത്തില് കാര്യമായ കുറവ് വന്നിട്ടില്ലെങ്കിലും അയക്കുന്ന പണത്തിന്റെ തോതില് ഇടിവ് വന്നുവെന്നാണ് കണക്കുകള് സൂചിപ്പിക്കുന്നത്. അതേസമയം പ്രവാസികളുടെ പണമയക്കലില് വൻ കുറവ് വന്നുവെന്നാണ് വിവിധ മണി എക്സേഞ്ചുകളില് പ്രവര്ത്തിക്കുന്നവര് വ്യക്തമാക്കുന്നത്. കഴിഞ്ഞ കുറെ നാളുകളായി ഇന്ത്യൻ കറൻസിയുടെ മൂല്യം കുറയുകയും ഗള്ഫ് കറൻസികളുടെ മൂല്യം കൂടുന്നതും ഇന്ത്യയിലേക്ക് പണമയക്കലിനെ ബാധിച്ചിട്ടുണ്ട്.